Tuesday, September 20, 2016

அக்ஷதாவின் அலப்பறைகள் - 2

#அக்ஷதாவின்_அலப்பறைகள்

"அப்பா "f" for fish தானேப்பா?"

"ஆமாம்மா"

"பின்ன ஏன்  இந்த புக்குல நெருப்பு மாதிரி ஏதோ போட்டிருக்கு?"

"நெருப்புன்னா fire மா. "f" for fire ன்னும் சொல்லலாம். ரெண்டு வேர்ட்ஸும் "f " ல ஆரம்பிக்குது இல்லையா அதனால.

"ஓஹோ. அப்ப சரி"

நான் என் மனையியைப்பார்த்து சொன்னேன்.

"இங்க பாரு நம்ம கொழந்த அடுத்த கட்டத்துக்கு வந்தாச்சு. இப்ப கேள்வி கேக்க ஆரம்பிச்சிருக்கு. இந்த மாதிரி கேள்வி கேக்குறத நாம என்கரேஜ் பண்ணனும். கேள்வி கேக்கும்போதே வெட்டி விட்டுரக்கூடாது. அப்பதான் கிரியேட்டிவிட்டி வளரும். புரியுதா?"

"சரிங்க"

இப்ப நான் குழந்தையை பார்த்து,

"அக்ஷதா, உனக்கு ஏதாவது கேள்வி இருந்தா அப்பாகிட்ட தயங்காம கேக்கணும். என்ன?

"கேள்வின்னா என்னப்பா?"

"கேள்வின்னா டவுட்டு."

"ஓ  அப்படியா. சரி சரி."

"அப்பா எனக்கு ஒரு டவுட்டு?"

"கேளும்மா."

"டவுட்டுன்னா என்னப்பா?"

No comments:

Post a Comment